heilabarningur

Skrifaði fullt í gær en eyddi því svo út í dag. Skrifin eru þvílíkur barningur og hvert orð tekur óratíma í að komast niður úr litla heilanum mínum í fingurna. Vona bara að nágrannarnir séu ekki að fylgjast með mér inn um gluggann því að fyrir kemur að líkaminn engist til og frá með tilheyrandi andlitsgrettum við fæðingu einnar setningar. Svekkjandi ef eigandi íbúðarinnar myndi segja upp leigusamningnum okkar vegna kvartana frá nágrönnunum sem óttuðust að geðveika konan færi að áreita börnin í hverfinu.

Dönsk nöfn eru stundum alveg ótrúlega asnaleg. Áðan var viðtal við lækni í sjónvarpinu sem heitir Jerk Langer. Hversu svekkjandi er að fara til dæmis til Bretlands og kynna sig sem Skíthæl!?! Hjúkk að eftirnafnið skuli allavega ekki vera Off!