Skype - deitstaður?

Fyndnast í geiminum kom fyrir áðan. Var að tala við Sólveigu á msn-inu áðan og hún var að senda mér myndir af nýju íbúðinni sinni þegar einhver aslan reyndi að hringja á skypinu mínu, ótrúlega mikið að trufla mig. Þetta kemur örsjaldan fyrir - þ.e. að einhver dúddi úti í bæ hringir á skypinu eða byrjar að chatta. Ég náttúrlega skellti bara á - alveg tvisvar - og hugsaði ekkert meira út í það. Þá byrjaði bara gemsinn minn að hringja og það var "hemmeligt nummer" og ég var eitthvað að velta fyrir mér hver þetta gæti verið þegar Sella segir í djókinu: örugglega bara aslan. Jújú þetta var bara aslan sjálfur!

Hann benti mér vinsamlegast á að hann væri að reyna að hringja í mig á skypinu og að ég svaraði ekki. Hann heitir sum sé Mark og talaði dönsku og þegar ég spurði af hverju hann var að hringja í mig sagði hann bara að gemsa númerið mitt væri skráð hjá mér á skypinu, fannst greinilega ekkert undarlegt að hann væri yfir höfuð að reyna að ná í mig. Ég sagðist nú bara nota þetta til að tala við vini mína og hann baðst afsökunar á ónæðinu. Hvað í fjáranum! Einmana gaur men!

Nú er ég hins vegar búin að taka gemsa númerið mitt af skypinu!