fatastærðir

Ég hef aldrei skilið hvers vegna fólk kaupir sér of lítil föt. Sérstaklega fer fyrir brjósið á mér að sjá stelpur í of stuttum og þröngum bolum eða of lágum og þröngum buxum! Var í mesta sakleysi mínu að sigta sand áðan - já já enn að steypa - þegar ég tók eftir stelpu sem sat á barstól inni í kennslustofunni. Henni tókst á ótrúlegan hátt að vera með skoru upp á bak. Hún var alls ekki feit heldur bara venjuleg. Hins vegar var hún í alltof lágum buxum með svona rosalega þröngum streng að hann bjó til skoru úr húðinni langt upp á bak - alvöru skoran átti að vera löngu búin!

Af hverju ætti það að vera slæmt að kaupa sína réttu stærð af fötum - maður grennist ekkert á því að kaupa einum minna. Allt hið undarlegasta mál!