Julefrokost

Nú er ég orðin rík kona í útlöndum. Fékk útborgaðar danskar krónur síðast liðinn föstudag - ekki lítið verðmætar á Íslandinu núna! Vinnan er enn skemmtileg en það gerist annað fjörugt hér í danaveldi en vinna. Á laugardaginn var haldinn danskur julefrokost á RBG með íslensku ívafi. Þar var bæði boðið upp á flæskesteg og hamborgarahrygg, brúna sósu, brúnaðar kartöflur og risalamand. Þar að auki var heimagerður daimís og malt og appelsín - heljarinnar veisla:) Eftir matinn var svo pakkaleikur þannig að enginn fór tómhentur heim - eða milli hæða... Flest fékk fólkið nóg að drekka og Tótunni tókst að hjóla á staur - svona slow-mo fílingur svo að ég er óslösuð:)

Þrjár vikur í heimferð...

Ný vinna

Það kemur víst ekki neinum á óvart að íslensk fyrirtæki í útlöndum eru ekki vinsæl þessa dagana og því hef ég fengið nýja vinnu :)

Er búin að vinna hjá Ramböll í tæpar þrjár vikur og fíla það bara nokkuð vel. Að vísu er ég tæpan klukkutíma aðra leið með strætó en verkefnið er spennandi og vinnufélagarnir skemmtilegir. Á Amager er verið að byggja tveggja turna hótel og hvor turn 23 hæðir. Ég er í eftirliti þar þannig að ég er bæði á skrifstofunni að stússast og fer svo inn á milli út á byggepladsen með hjálm og tékka á því hvort kallarnir - og kellingarnar - geri þetta almennilega :)

Síðasta mánudag var svo rosalega mikið að gera í verkefninu því að nýjar teikningar voru að koma út og ég sat til rúmlega ellefu um kvöldið og teiknaði. Rétt náði síðasta strætó heim. Þetta var svo rosalega vel metið að allt yfirvinnufólk fékk konfektkassa frá Magasin í dag!!

Annars er fólk bara komið í jólaskap á þessu heimili - Sella og Sigga sitja hérna og föndra og hlusta á jólalög - ofsakósí! Og ég hlakka rosalega til að koma heim um jólin, lendi alveg korteri fyrir jól þann 23. des.

Konfektkveðjur úr Danmörkunni...

Einkunn: 10!

Í dag er góður dagur! Nú er ég loksins orðin verkfæðingur og gekk bara súper vel. Kynnti verkefnið fyrir Gregori mínum og sensori sem heitir Eilif - eins og einn hundur sem ég þekkti einu sinni, hann varð fyrir bíl en kemur ekki hér við sögu. Fáeinir áheyrendur voru líka enda er nauðsynlegt að fá að sjá hvernig svona fer fram áður en maður ver sitt eigið verkefni. Kallarnir voru bara nokkuð sáttir með Tótuna og gáfu henni eitt stykki 10 í einkunn! Litli rauðhausinn er því loksins orðinn verkfræðingur - með sóma. Í kvöld verður svo hamborgarapartí á RBG34 og út-að-borða-stöff um helgina.

Svona á að gera þetta krakkar mínir.

Þórunn Sigurðardóttir
Byggingarverkfræðingur - að rifna úr ánægju

Mér er heitt

Tótan berst nú fyrir lífi sínu í um 35 stiga hita og stendur sig nokkuð vel verð ég að viðurkenna. Fórum á markað í dag og ég keypti mér alvöru túrista-stuttermbol til að skýla aulahúðinni minni! Leið því miklu betur þegar við túristuðumst upp í fjöllunum og skoðuðum kúl stöff! Um daginn fórum við á jetski og ég settist aftan á hjá Sellu og ætlaði að láta það nægja. Hin þrjú, Telma og tveir danskir vinir hennar voru öll á sér ketti og við fórum í stóra hringi. Ég missti svo einhvern tíma út úr mér að annar Daninn væri að ná okkur. Þá gaf Sellan svo rosalega í að hún henti okkur báðum af - ég ætlaði sko ekki að láta hana skilja mig eftir svo að ég ríghélt mér í hana og dró hana með mér í sjóinn! Eftir það tók ég við stjórninni og það var geggjað gaman - tókst þó því miður ekki að hefna mín á píunni!

Nú er bara að worka tanið þar til við stúlkukindurnar höldum heim á leið til Köben á laugardagskvöld - geri ekki ráð fyrir að metnaðurinn verði mikill í því enda finnst mér ég orðin alveg nógu brún-ish...

sól sól skín á mig

Tótan er komin til Majorka og er enn á lífi. Fórum á ströndina í gær og ég held hreinlega að fólkið þar hafi fengið extra mikla brúnku vegna endurkasts frá Tótunni! Keypti mér sólarvörn númer 40 og veitti víst ekki af. Í dag tökum við frí frá stöndinni og ætlum í bæinn en síðan verður tekið vel á því á næstunni. Ég ætla að reyna að ná mér í smá bleikju hérna í sólinni. Yndislegt að vera komin í frí - ljúfa líf!

Sólarkveðjur í þetta skiptið!

hó...

Það er víst ekkert leyndarmál að ég er ömurlegur bloggari.

En allavega. Kom til Danmerkur í gær eftir óvænta en skemmtilega Íslandsför. Leið eins og hálfvita í metróinu í svörtum sokkabuxum og háum strigaskóm, dröslandi handfangalausri töskunni minni á eftir mér. Allir aðrir voru berleggja í sandölum.

Eins og það er nú gott að koma heim til Íslands þá er nú alltaf gott að koma í dótið sitt aftur og ég tala nú ekki um að setjast upp á fákinn græna og geta hjólað allra sinna ferða en ekki vera háður stórfjölskyldunni með bílamál - takk fyrir lánið á drekanum Helgi minn :)

Endaði svo gærdaginn á því brjóta ólukkans gleraugun mín - ég hreinlega tosaði þau í sundur og annað glerið datt úr. Viðgerðin mun kosta 398 danskar krónur og ef ég er heppin munu blessaðir Danirnir vera búnir að gera við þau áður en ég legg land undir fót á Mallorcu - held að það sé ráð að leggjast á hné biðja fyrir þeim ef það á að takast! Brottfarardagur er þann 9. ágúst og heimkoma þann 23. ágúst. Ég mun því ekki gera neitt af viti í nákvæmlega tvær vikur!

Gaman á Íslandi

Mér var mjög kalt fyrstu dagana á klakanum enda veðrið í Danmörku búið að vera lygilega gott undanfarið. Nú er ég hins vegar búin að venjast yndislega loftinu heima og hugsa að það verði erfitt að koma aftur út í hitann - erfitt að gera Tótunni til geðs:)

Er búin að hafa það megagott eftir að ég kom heim, búin að fara í brúðkaup, leikhús, kaffiboð, heimsóknir og svona en nóg er samt eftir að gera áður en ég fer aftur út - listinn er ansi langur og lengist bara!

Hlakka til að hitta ykkur fólk sem ég á eftir að hitta:)

Tótan kveður í bili.