þreytt læri

Í dag er ég þreytt í fótunum - lærunum aðallega. Því veldur endalaus seta í sumar og hjólaleiðangrar upp í skóla núna. Fór á hjóli á mánudaginn og svo aftur í dag. Mánudagurinn var alveg hrikalegur og ég hélt í alvöru að ég gæfi upp öndina á leiðinni. Dagurinn í dag var örlítið skárri en heimleiðin er alltaf betri. Þótt ótrúlegt megi virðast þá er leiðin upp í skóla endalausar brekkur upp og niður og auk þess stendur Lyngby örlítið hærra en Kaupmannahöfn. Hjólastígarnir liggja nefnilega meðfram hraðbrautinni svo að við hver mislæg gatnamót er ýmist hæð eða dalur. Mikið hef ég nú samt gott af þessu!