Brúðkaup - vei...

Mikið hlýtur að vera erfitt að vera fæddur á vitlausum tíma. Sá um daginn gaur með hár niður á bak með dredlokks og í svona hettupeysumussu sem var í tísku þegar ég var í grunnskóla og rifnum gallabuxum. Ekkert var svo sem út á þetta að setja nema hvað að hann var að ganga yfir götu á tánum. Af hverju var maðurinn ekki í skóm!?!

Fór um daginn í Fields og var í meira en einn og hálfan tíma inni í H&M. Keypti mér buxur, peysur, boli, sokkabuxur,... og borgaði ekki nema 1132,5 danskar krónur - I love H&M. Þar á eftir fór ég í Only og keypti mér vetrarúlpu - er að hugsa um að henda 250-kalla úlpunni sem ég er búin að vera í síðustu tvo vetur!

Nýjasta nýtt er svo að ég er að fara í brúðkaup þann 6.október:) Fékk alveg megaódýrt flug heim svo að ég ákvað að skella mér. Verð bara yfir bláhelgina svo að ég efast um að ég hafi tíma til að hitta margt fólk. Efst á lista er fjölskyldan og svo náttúrlega þeir heppnu sem mæta í brúðkaupið;)

Hvernig væri svo að fara að kíkja í bók - alveg pæling að fara að klára þetta endalausa nám.