hvítar buxur..

Nú er ég búin að eiga hvítar buxur í eina viku og þær eru komnar í þvottavélina, með töluverðu Biotexi - eða galdraefni eins og mamma kallaði það í gamla daga! Sá þrjá fjólubláa dropa á vinstri skálm í morgun - sennilega eftir kvöldmatinn í gær. Svo var allt í einu einn brúnn blettur á hvoru hné í dag - sem ég náði mér örugglega í undir skrifborðinu í skólanum.

Metnaður næstu viku veður að reyna að halda buxunum blettalausum - ætli þær séu þá ekki bara best geymdar inni í skáp!