Bloggiblogg

Afsakið hlé en nú er bara loksins nóg að gera! Er komin á gott skrið í tilraunum og steypi nú átta gaura á dag, einn gaur er 25x25x285 mm, gaman þar. Svo er ég loksins farin að bonda við Erik sem er meðhjálparinn í steypudeildinni. Fyrst var hann heldur þurr á manninn og nennti ekki alveg að tala við mig en svo þegar ég hætti að biðja hann um hjálp og spyrja hann að ýmsu sem við kom tilrauninni kom í ljós að hann er hinn fínasti kall - bara húðlatur og nennir ekki að vinna. Hann situr því þarna nokkuð aðgerðarlaus með Paris Hilton hundinn sinn og reykir, gott djobb!

Gyða geðveika er aftur mætt svo að ég fer í ræktina annan hvern dag - sem veitir víst ekki af eftir jólin. Gyða er því með í þakkarbænunum á kvöldin. Annars er ég ein í höllinni. Sella er ómætt enn og Hrefna sést lítið mín megin á sólarhringnum - kannski ekki skrítið, í gær fór ég að sofa klukkan 22:00 - geri aðrir, eldri en 8 ára gamlir, betur!!

Ólukkans netið virkar ekki heima og einhvern vegin nenni ég ekki að blogga þegar ég er í skólanum - núna er ég til dæmis orðin mjög sýrð í höfðinu eftir daginn og ætla bara að pilla mig heim.

Sæl að sinni.