Happy christmas Yoko - happy christmas John

Sellan er flogin heim og ein sit ég eftir í höllinni - allavega á kristilegum tíma, Hrefna er náttúrlega hinum megin á sólarhringnum við mig svo að hana hitti ég mjög sjaldan. Kláraði að kaupa jólagjafirnar í gær og vona að sigtun á gleri klárist í dag. Annað kvöld er matur og djamm hjá Gyðu og Kidda svo að föstudagurinn verður tekinn í leti og pökkun. Síðla kvölds þann dag mun ég svo líka fljúga heim og ég hlakka voðalega mikið til. Hlakka auðvitað til að hitta alla en mest hlakka ég til að hitta Manga litla og hana Freyju sem Íris vinkona á:) Hana hef ég bara aldrei hitt.