Aðventan

Á laugardaginn gekk ég í ungdóm á ný. Mér leið eins og 15 stelpu þegar Lassi hringdi í mig um sexleytið og spurði hvað ég vildi borða um kvöldið og hvort hann ætti að leigja fyrir mig videomynd. Ég var nefnilega búin að taka það að mér að passa Hilmar litla á meðan foreldrarnir fóru út að borða með vinum frá Íslandi. Ég pantaði mér bara hamborgara og myndina Holiday og mætti klukkan átta. Hilmar var allt annað en erfiður og svaf allan tímann og svo hjólaði ég mig bara heim klukkan eitt þegar foreldrarnir mættu aftur en þau borguðu mér í vínflösku og djúppoka - einstaklega vinsælt ;)

Á föstudeginum buðum við Gyða í mat heima hjá mér - svona til að gera eitthvað áður en flestir fara í próf - hehe ekki ég!! Við bjuggum til kjúkling í appelsínusósu og kvöldið áður hafði ég skellt í tobleroneís sem var í eftirrétt. Við buðum Gróu og Bjögga og herramönnunum af Hjørringgade svo að það var eilíft fjör.

Fyrsti í aðventu var tekinn með mikilli ró og sat ég hálfan daginn og las í Sonum duftsins - meiri snillingurinn hann Arnaldur. Þegar líða tók á daginn hjólaði ég mig niður í bæ og keypti mér smá garn og fékk mér jól í augun:)

Hin ágætasta helgi.