Fálkarnir í Danaveldi

Sigrún og Erling eru á landinu þessa vikuna og hitti ég þau og þeirra tvær dætur í bænum í gær. Við fórum á Italiano með stóra H&M poka eins og Íslendingum sæmir. Á eftir bauð ég svo heim til mín þar sem við sátum og blöðruðum í rólegheitunum. Hóffý Lára sofnaði fljótlega í sófanum en Brynhildur sat á gólfinu og teiknaði kalla á blað. Mikið voru nú foreldrarnir ánægðir með myndirnar sem frumburðurinn teiknaði enda hinir fínustu kallar. Hins vegar átti ég í dálitlum erfiðleikum þegar Brynhildur bað mig að teikna kjól á fígúruna sína. Hvar setur maður kjól á haus með handleggi og fótleggi...