enn um blessaða sólina

Síðustu færslur hafa víst ekki verið of vinsælar þannig að ég skal reyna að bæta mig og skrifa eitthvað skemmtilegra :) Ég skrapp út í búð í dag sem var gott frí frá skrifunum. Í ljós kom að góða veðrið er ekki bara til að geta farið í sólbað og njóta þess að vera fáklæddur sjálfur heldur líka til að fylgjast með öðru fáklæddu fólki! Við eitt húsið í götunni minni er verið að leggja stétt og voru tveir ungir og myndarlegir menn að bardúsa við þetta í dag - berir að ofan. Ekki þarf mikið til að gleðja lítið hjarta undir miklu álagi!