Snestorm í Køben!

Nú er maður aldeilis að súpa seyðið af því að vera fluttur niður í bæ. Ákvað að drífa mig á bókasafnið í DTU í morgun og lagði af stað rúmlega átta. Ég var komin á bókó rúmlega tíu! Við verðum náttúrlega að hafa það í huga að í gær var snestorm og í dag er snjór á götunum - allt lamast.

Það var reyndar ótrúlega leiðinlegt veður í gær, svona íslensk snjókoma og rok sem kom úr öllum áttum en í dag liggur bara snjór á jörðinni - ætti ekki að vera svona erfitt að halda samgöngukerfinu gangandi - sérstaklega metróinu og lestunum!

Annars er fínt að vera komin niður í bæ. Að vísu er herbergið mitt í rúst en Ikea-ferð er á næstu grösum á þá mun ég eignast fataskáp og bókahillur - þá verður sko betra að lifa.