Enn eitt nýja árið...

Elsku vinir:

Gleðilegt ár og takk fyrir öll þau gömlu

Ótrúlegt hvað allir jólafrísdagarnir renna saman í eitt og allt í einu er maður búinn að liggja í sófanum í heila viku án þess að gera neitt að viti - og þetta gerist á hverju ári. Fyrir hvert einasta jólafrí er ég alltaf búin að ákveða að gera ótrúlega mikið í jólafríinu - fara út að ganga, njóta birtunnar meðan hún er þennan stutta tíma dagsins, lesa bækur - miklar bókmenntir eins og Laxness og Shakespare og helst ekki horfa of mikið á sjónvarpið. Það er einmitt sjónvarpið sem stelur öllum þessum klukkustundum - ég get horft á hverja vitleysuna á eftir annarri án þess í raun að njóta þess eða skemmta mér á nokkurn hátt. Ég reyni reyndar að komast hjá því að horfa á það allra leiðinlegasta eins og til dæmis Gametvíví og Rachel Ray á Skjá Einum.

Ég er sennilega bara löt - fékk eiginlega svona deisjavú þegar ég var að skrifa þetta því að þetta er nákvæmlega það sem ég geri á hverjum tímamótum á árinu.

Byrjun árs: Ætla að vera dugleg að læra jafnt yfir alla önnina - gerist ekki!
Vor: Ætla að vera dugleg að hreyfa mig og njóta veðursins - gerist ekki!
Haust: Ætla að vera dugleg að læra jafnt yfir alla önnina - gerist ekki!
Jólafrí: Same shit!

Ætli það sé til lækning við þessu eða er ég bara þessi lata týpa!?! Kannski er bara allt í lagi að maður sé latur - kannski ég geri eitthvað í málunum ef ég fell í beton teknologi - efast samt um það - of löt!