já - hæ!

Blogg segiði - ég var nú bara búin að gleyma því að ég væri með svoleiðis!

Ég er alla vega búin að skila verkefninu mínu og hef ekki flett í gegnum það síðan - er alveg komin með ógeð af því og fegin að þurfa ekki að verja alveg strax - geri ráð fyrir að það verði ekki fyrr en í ágúst! Er búin að vera að vinna í tvær vikur og fékk fyrsta launaseðilinn í dag - þvílík hamingja :) Nóg er að gera þessa dagana því að Helgi bróðir minn kom með fjölskyldu sína til Danaveldis í síðustu viku. Við erum búin að hafa það rosalega gott enda veðrið geggjað. Ég fékk lánað hjól hjá Gróu og Bjögga sem er með barnastól svo að þeir feðgar hafa hjólað með okkur Siggu eins og herforingjar. Hjóluðum meðal annars út í Bakken á laugardaginn - eðal alveg...

Næstu dagar verða teknir í vinnu og sólbað - ekki spáð skýi á himni næstu fimm daga! Í næstu viku ætla ég svo að skella mér heim og vera í tíu daga, kem 12.júní og fer aftur 22.júní. Það verður rosafínt og ég hlakka til að hitta fjölskylduna og vinina og auðvitað að fara í brúðkaup ársins til Steinu og Stebba:)

Veit ekki hversu dugleg ég á eftir að vera hérna á blogginu á næstunni en sjáum til...

Bless í bili, Tótan.